2015年5月19日 星期二
酥炸鯪魚球
呢幾日天氣持續陰天 , 久唔久落下雨又行雷咁
令到人總是提不起勁
整個身體處於懶洋洋狀態中 ......
天氣令我無動力去街市買材料煮晚餐
亦無動力行去廚房拎起把刀煮晚餐
再加上頭痛 , 乾咳 , 鼻水 , 每月一次的不適
令我懶上加懶
但唔煮又會俾麻煩友投訴
其實唔止有人投訴 , 我自己本身都唔喜愛出街食或外賣
所以又係時候看看家裡有什麼材料可煮
上次整魚肉餅的時候還有魚肉剩下
剛巧發現還有幾隻冬菇及少量蝦米同芫茜
有咁多材料都可以整個簡單的鯪魚球做晚餐
炸好熱辣辣的鯪魚球當小食又得 , 拌飯又得
或者用來拌麵都好好味
等我留起幾粒放雪櫃 , 明日買幾條紅衫魚回來煲個魚湯
煮個米線當午餐先 ^^
材料 : 鯪魚肉 , 冬菇 , 蝦米 , 芫茜 , 雞蛋 (只用蛋黃) , 生粉 (沾魚球用)
冬菇浸軟切粒 , 蝦米浸軟切碎 , 芫茜少許洗淨切碎 , 少許洗淨剪短裝飾用 (可省略)
鯪魚肉加入雞蛋黃及鹽拌勻 , 再加入冬菇 , 蝦米 , 芫茜及醃料
拌勻後撻數十下至起膠 , 蓋上保鮮紙靜待30分鐘
將魚肉用手唧成球狀後用匙羹起出 , 每粒沾上生粉再靜置30分鐘
將魚球逐一放入油鑊內 , 先用慢火炸至微黃色盛起 , 靜置10分鐘後再放入油鑊內用中火慢慢炸至金黃色 , 盛起放上廚紙吸取油份即可
材料
鯪魚肉 , 冬菇 , 蝦米 , 芫茜 , 雞蛋 (只用蛋黃) , 生粉 (沾魚球用)
醃料
糖 , 胡椒粉 , 酒 , 油
做法
1. 冬菇浸軟切粒 , 蝦米浸軟切碎
2. 芫茜少許洗淨切碎 , 少許洗淨剪短裝飾用 (可省略)
3. 鯪魚肉加入雞蛋黃及鹽拌勻 , 再加入冬菇 , 蝦米 , 芫茜及醃料
4. 拌勻後撻數十下至起膠 , 蓋上保鮮紙靜待30分鐘
5. 將魚肉用手唧成球狀後用匙羹起出 , 每粒沾上生粉再靜置30分鐘
6. 將魚球逐一放入油鑊內 , 先用慢火炸至微黃色盛起
7. 靜置10分鐘後再放入油鑊內用中火慢慢炸至金黃色
8. 盛起放上廚紙吸取油份 , 上碟後放上芫茜裝飾即可
金金黃黃的酥炸鯪魚球好吸引呢 ^^
於
5月 19, 2015
以電子郵件傳送這篇文章BlogThis！分享至 X分享至 Facebook分享到 Pinterest
標籤：
自家食譜 - 海鮮,
自家食譜 - 蔬菜/雞蛋/豆腐/菇菇,
是日晚餐
24 則留言:
小高2015年5月19日 下午2:14係呀係呀！回南天，又落雨好似做咩都提唔起勁咁！不過...見到袁太美味菜餚，立即精神返哂，仲令到我肚餓添...明明o岩o岩先食完飯！.... XD
回覆刪除回覆袁太廚房2015年5月22日 下午5:02呢種天氣真係好討厭 , 雨落極都唔停咁 , 哎呀 , 不得了呢 , 又肚親小高添
刪除回覆回覆回覆艾華斯2015年5月19日 下午3:18我都好怕濕熱感覺~~哩個我有時出街都會食，因為懶係屋企開油鑊:P
回覆刪除回覆袁太廚房2015年5月22日 下午5:12最近的天氣真係好討厭 , 一年四季我都喜愛開鑊炸野
刪除回覆回覆回覆Cherry Ho2015年5月19日 下午3:48我都好怕這種天氣，又濕又焗，洗好的衫又永遠都唔乾，足料的鯪魚球好味喎
回覆刪除回覆袁太廚房2015年5月22日 下午5:12係呀 , 洗左的衫真係晾幾日都唔乾
刪除回覆回覆回覆EE Chan2015年5月19日 下午4:08好想食
回覆刪除回覆袁太廚房2015年5月22日 下午5:13咁請EE食一碟喇
刪除回覆回覆回覆黃師奶廚藝小百科2015年5月19日 下午5:56呢個星期都唔好天~星期四五仲話大雨~真係搞到個人冇咩心情呢~
回覆刪除回覆袁太廚房2015年5月22日 下午5:13落大雨真係出街都嫌煩
刪除回覆回覆回覆靚婆婆2015年5月19日 下午6:54好多料呀...le兩日要去大酒店送別一位世伯....連食都冇心情呢
回覆刪除回覆袁太廚房2015年5月22日 下午5:14希望呢位世伯去了另一世界開開心心
刪除回覆回覆回覆Unknown2015年5月19日 晚上9:09今日下午都傾盆大雨，有傘都濕晒呀，袁太呢個鯪魚球超足料兼且好香口
回覆刪除回覆袁太廚房2015年5月22日 下午5:14炸過的鯪魚球脆卜卜架
刪除回覆回覆回覆LiJ2015年5月19日 晚上10:44病時我唔敢食炸嘢架，怕開始咳
回覆刪除回覆袁太廚房2015年5月22日 下午5:15我唔理架 , 就算病到七彩我都會食架 ^^
刪除回覆回覆回覆雀后2015年5月20日 清晨7:26天氣熱，唔想炸嘢，我嚟妳度開餐呀!
回覆刪除回覆袁太廚房2015年5月22日 下午5:15好呀 , 歡迎雀后隨時光臨 ^^
刪除回覆回覆回覆IamMiss無糖2015年5月20日 上午9:18開始到左C9們, 煮完都無胃口食既天氣啦
回覆刪除回覆袁太廚房2015年5月22日 下午5:16有時係廚房煮到出晒汗 , 開飯的時候真係冇晒胃口 ><
刪除回覆回覆回覆芙芙little kitchen2015年5月20日 下午3:54袁太，小心身子呀，你成日嚟關心芙芙，叫芙芙小心身體，你自己就病咗，芙芙都要好似老人家好長氣咁叫你，小心身體呀，小心身體呀~見到炸鯪魚球，就會諗起蜆介鯪魚球呢。
回覆刪除回覆袁太廚房2015年5月22日 下午5:18芙芙請放心 , 袁太已經冇事喇 , 老虎都打得抵一隻咁多 , 蜆介鯪魚球都好好味架 , 我都唔介意芙芙好似老人家咁長氣架 ^^
刪除回覆回覆回覆Cici小廚房2015年5月26日 晚上7:33袁太，呢幾日天氣差到爆，出入冷氣地方，小心點。蜆介鯪魚球，其實cici最鍾意食蜆介
回覆刪除回覆回覆袁太廚房2015年5月27日 下午1:59今日終於有太陽 , 心情都好dd呢 ^^
回覆刪除回覆回覆新增留言載入更多…
較新的文章
較舊的文章
首頁
訂閱：
張貼留言 (Atom)
老行家官燕蘋果玫瑰果醬食譜 ~蘋果果醬麵包卷~
繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......
椰汁芋蓉芋圓西米露
袁太平時行街市 , 都會周圍留意下有冇平野 , 靚野賣 , 有就會買定回家做存貨 , 不過有時買左放雪櫃又唔記得 , 直至數天後才發現雪櫃原來還有芋頭 , 一於清埋佢 , 用來炆豬肉好唔好呢 ??? 不過後來變左煮糖水 ......
[燒鴨骨湯底] 雪菜火鴨絲窩米
燒鴨呢樣食物我家袁生好鬼鐘意 , 喜愛的程度絕對可以話完全進入瘋狂狀態 , 無論燒鴨用來炒 , 用來煲粥或者炆米都無任歡迎 , 多多佢都食得落 , 之但係如果用來煮米粉的話 , 我會比較喜愛窩米 ......
蠔油炆豬皮
每次我呀媽打邊爐必然會買豬皮 , 必然次次都食唔晒 , 必然會將次次食唔晒的豬皮俾袁太再進行加工程序 , 不過豬皮呢樣野 , 我除左用黎做火鍋外 , 一般都係會用黎煮咖哩或者用蠔油炆 ......